ING WATESING CAKRAWALA
(: ibu)
nyemak uripmu
kaya numpak getheg kang kumampul ing tengahing segara
kaya nyawang layangan kang mabur ngetutke angin
ora ana watese kejaba langit
maca tapak sikilmu
mung ukara tulus kang patut tinulis
ora suara sambat apamaneh tangis
kang mrojol saka latimu mung suara dzikir
umur pancen winates
lelabuhanmu wus tumumpuk
ngungkuli jaman
: dadi undhagane lawang swarga?
Kedunggalar, 24 Muharram 1430 H
guritan ini pernah dimuat di Jaya Baya Surabaya
0 komentar:
Poskan Komentar