Geguritane Isngadi Marwah Atmadja
satemene
aku isih eling welingmu
menawa
kabeh titah bakale bali
yen ora saiki
mesti ana dina sesuk ing dina kang wus pinesti
senajan ora urut kacang
kabeh mesti keduman
satemene
aku isih eling welingmu
tetesing luh
ora bakal ngubah apa-apa
kaya tangisku nalika semana
nalika melu nyuweki mori
kanggo kanjeng rama
ibu
senajan ora ing pangkonmu
lilanana putramu nangis
kanggo dina iki wae
Plengkung Ngarengan, 2 Pebruari- 2 Juli 2008
0 komentar:
Poskan Komentar